Ishni boshlash

Ishni boshlash uchun МойСкладda kompaniya, tovarlar, kontragentlar, qoldiqlar, xaridlar va sotuvlar haqidagi ma’lumotlarni kiritish kerak. Har bir bosqichni batafsil ko‘rib chiqamiz.

Kompaniya haqida ma’lumotlarni kiritish

Yuridik shaxslar sozlamalari sahifasiga o‘ting: Akkaunt → Sozlamalar → Ma’lumotnomalar → Yuridik shaxslar.

Kompaniyangiz haqida ma’lumot:

• nomi;
• aloqa ma’lumotlari;
• bank va yuridik rekvizitlar (hujjatlarni chop etishda sotuvchi yoki yuk jo‘natuvchi ma’lumotlari sifatida ko‘rsatiladi);
• faktik manzil;
• rahbar va bosh buxgalter ma’lumotlari (hujjatlarni chop etishda ishlatiladi);
• QQS (agar kompaniya QQS to‘lovchisi bo‘lsa, belgilang);
• muhr va imzo.

Batafsil Yuridik shaxslar.

Xizmatning umumiy sozlamalarini ham belgilang.

Tovarlar ma’lumotnomasini to‘ldirish

Hujjatlarni yaratishdan oldin, tovar va xizmatlaringizni quyidagi sahifada ma’lumotnomaga kiriting: Tovarlar → Tovarlar va xizmatlar.

Agar tovarlar yoki xizmatlar soni kam bo‘lsa, ma’lumotnomani qo‘lda to‘ldirishingiz mumkin.

Agar ro‘yxat katta bo‘lsa, ma’lumotlarni МойСкладga import qiling.

Kontragentlar ma’lumotnomasini to‘ldirish

Yetkazib beruvchilar va xaridorlar bilan hujjat aylanishi hamda o‘zaro hisob-kitoblarni yuritish uchun ularning ma’lumotlarini quyidagi bo‘limga kiriting: Kontragentlar → Kontragentlar.

Kontragentlar ma’lumotnomasini qo‘lda to‘ldirish yoki ma’lumotlarni Excel yoki CSV formatidagi fayllardan import qilish mumkin.

Ma’lumotnomani bittada to‘liq to‘ldirish shart emas — ish jarayonida, hujjat yaratishda yangi yetkazib beruvchi va xaridorlarni qo‘shib borishingiz mumkin.

Agar kontragentlar bazasini yuritmasangiz (masalan, chakana savdo bo‘lsa), bu bosqichni o‘tkazib yuboring — tizim avtomatik ravishda “Chakana xaridor” kontragentini yaratadi. Xaridor ko‘rsatilmagan bo‘lsa, chakana savdo shu kontragent nomiga rasmiylashtiriladi.

Batafsil: Kontragentlar: Xaridorlar va Yetkazib beruvchilar.

Ombor bo‘yicha boshlang‘ich qoldiqlarni kiritish

Agar kompaniyangiz endigina ish boshlayotgan bo‘lsa va omborda tovarlar bo‘lmasa, bu bosqichni o‘tkazib yuboring.

Agar omborda tovar mavjud bo‘lsa, Ombor → Qabul qilish (Oprihodovaniya) bo‘limiga o‘ting va tovarni tizimga qabul qilish hujjati orqali kiriting.

Batafsil: Tovarlarni qabul qilish.

Tovarlarning boshlang‘ich qoldiqlarini omborga ham import orqali kiritish mumkin. Boshlang‘ich qoldiqlar bo‘yicha ma’lumotlarni tekshirish uchun Qoldiqlar hisobotidan foydalaning.

Tovarni ta’minotchidan xarid qilish

Mijozga tovar sotishdan oldin, uni ta’minotchidan xarid qilish kerak. Tovarni ta’minotchidan xarid qilish Xaridlar → Qabul qilish bo‘limida ro‘yxatga olinadi. Batafsil ma’lumot uchun Qabul qilish bo‘limiga o’ting.

Tovarning omborga kelishini tekshirish uchun Qoldiqlar hisobotidan foydalaning.

Tovarni mijozga sotish

Tovarlarni mijozga sotish Sotuvlar → Jo’natmalar bo‘limida ro’yxatga olinadi. Batafsil ma’lumot uchun Jo’natmalar bo‘limiga murojaat qiling.

Tovarlarni realizatsiya qilishdan tushgan foydani baholash uchun Daromadlilik hisobotidan foydalaning.